Հայաստանի առաջատար մարմնամարզիկներ Արթուր Դավթյանն ու Վահագն Դավթյանը դարձել են աշխարհի գավաթակիրներ։
Մարմնամարզության միջազգային ֆեդերացիան ամփոփել է աշխարհի գավաթի խաղարկության փուլերի արդյունքները։
Հենացատկում Արթուր Դավթյանն առաջին տեղը գրավել է 90 միավորով եւ 10 միավոր գերազանցել է երկրորդ տեղը զբաղեցրած ուկրաինացի Նազար Չեպուրնիին։
Վահագն Դավթյանը օղակների վարժության առաջատարն է՝ 85 միավոր։ Երկրորդ տեղում է թուրք Իբրահիմ Չոլակը՝ 80 միավոր։ Եռյակը եզրափակել է Հայաստանի ներկայացուցիչ Արթուր Ավետիսյանը՝ 53 միավոր։
Հայաստանի հավաքականը մասնակցել էր Կոտբուսի (Գերմանիա), Դոհայի (Քաթար) եւ Կահիրեի (Եգիպտոս) փուլային մրցաշարերին։ Վերջին փուլն անցկացվել է Բաքվում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։