Արսեն Հարությունյանը թուրք մրցակցի նկատմամբ տպավորիչ հաղթանակով հռչակվեց Եվրոպայի կրկնակի չեմպիոն
20:32 30 մարտի, 2022Հունգարիայի մայրաքաղաք Բուդապեշտում ավարտվող ազատ ոճի ըմբշամարտի Եվրոպայի առաջնության 61 կգ քաշայինների եզրափակիչում Հայաստանի առաջատար ըմբիշ Արսեն Հարությունյանը գոտեմարտեց Եվրոպայի կրկնակի չեմպիոն, աշխարհի փոխչեմպիոն, Եվրոպական խաղերի բրոնզե մեդալակիր, թուրք Սուլեյման Ալթիի հետ եւ տպավորիչ հաղթանակ տարավ 15:3 հաշվով:
Գոտեմարտն ավարտվեց երկրորդ մրցափուլի մեկնարկից 49 վայրկյան անց:
Արսեն Հարությունյանը չեմպիոնական շրջանը եռագույնով կատարեց իր անձնական մարզիչի հետ:
Արսեն Հարությունյանը պայքարը սկսել էր քառորդ եզրափակիչից, որտեղ տուշեով հաղթել էր մակեդոնացի Բեսիր Ալիլիին: Գոտեմարտը տեւել էր 2 րոպե 19 վայրկյան: Կիսաեզրափակիչում առաջին մրցափուլում 0:6 պարտվելիս 13:8 հաշվով կամային հաղթանակ էր տարել 2021 թվականի Եվրոպայի բրոնզե մեդալակիր, Լեհաստանի ներկայացուցիչ Էդուարդ Գրիգորեւի նկատմամբ: Աշխարհի բրոնզե մեդալակիր, Եվրոպայի չեմպիոն, աշխարհի անհատական գավաի խաղարկության արծաթե մեդալակիր, Մ23 աշխարհի չեմպիոն, երիտասարդների Եվրոպայի չեմպիոն Արսեն Հարությունյանը առաջին անգամ Եվրոպայի չեմիոն էր դարձել 2019 թվականին Ռումինիայի մայրաքաղաք Բուխարեստում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.