Հայաստանի հավաքականը պարտվեց նորվեգացիներին՝ 0։9 (ֆոտո, վիդեո)

22:49   29 մարտի, 2022

Ֆուտբոլի Հայաստանի հավաքականն Օսլոյում ընկերական հանդիպում  անցկացրեց Նորվեգիայի հավաքականի հետ։ Իսպանացի Խոակին Կապառոսի գլխավորած թիմն պարտվեց 0։9 հաշվով։

17-րդ րոպեին կարմիր քարտ ստացավ Հայաստանի թիմի պաշտպան Արման Հովհաննիսյանը, որը վերջին հույսի խախտում թույլ տվեց՝ հետեւից անհաջող սահանկում կատարելով Դորտմունդի «Բորուսիայի» հարձակվող Էրլինգ Հոլանդի դեմ։ 24-րդ րոպեին Հոլանդը բացեց հաշիվը։ 29-րդ րոպեին Կամո Հովհաննիսյանի խախտումից հետո նշանակված 11 մետրանոցն արդյունավետ իրացրեց անգլիական «Ուոթֆորդի» հարձակվող Ջոշուա Քինգը։ 30-րդ րոպեին դաշտի տերերի երրորդ գոլը խփեց բելգիական «Գենկի» կիսապաշտպան Կրիստիան Տրոստվեդտը։ 34-րդ րոպեին դուբլ ձեւակերպեց Ջոշուա Քինգը։ Ավելացված առաջին րոպեին էլ իր երկրորդ գոլը խփեց Հոլանդը։

58-րդ րոպեին հեթ-տրիկ ձեւակերպեց Քինգը։ Նորվեգացիների 7-րդ գոլը 80-րդ րոպեին խփեց գերմանական «Նյուրնբերգի» հարձակվող Մատս Դեհլին։ 86-րդ րոպեին հաշիվը 8։0 դարձրեց իսպանական «Ռեալ Սոսյեդադի» հարձակվող Ալեքսանդր Սյորլոտը, որն ավելացված ժամանակում նաեւ իր երկրորդ գոլը խփեց։

Սա Հայաստանի թիմի ամենախոշոր պարտությունն է։ Նախորդ հակառեկորդը գրանցվել էր 2019-ին Իտալիայի հավաքականի հետ խաղում՝ 1։9։

Ընկերական հանդիպում

Նորվեգիա - Հայաստան՝ 9։0 (տեսանյութ)

Էրլինգ Հոլանդ, 24, 90+1, Ջոշուա Քինգ, 29, 11մ, 34, 58, Կրիստիան Տրոստվեդտ, 30,  Մատս Դեհլի, 80, Ալեքսանդր Սյորլոտ, 86, 90+1

Հեռացում՝ Արման Հովհաննիսյան, 17



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.