Ազատ ոճի ըմբշամարտի աշխարհի առաջնության բրոնզե մեդալակիր, Եվրոպայի չեմպիոն, Մ23 աշխարհի չեմպիոն Արսեն Հարությունյանը փառահեղ հաղթանակով դուրս եկավ Բուդապեշտում անցկացվող Եվրոպայի առաջնության եզրափակիչ եւ կպայքարի ոսկե մեդալի համար:
61 կգ քաշայինների կիսաեզրափակիչում առաջին մրցափուլում 0:6 պարտվելիս երիտասարդ ըմբիշը 13:8 հաշվով կամային հաղթանակ տարավ 2021 թվականի Եվրոպայի բրոնզե մեդալակիր, Լեհաստանի ներկայացուցիչ Էդուարդ Գրիգորեւի նկատմամբ:
Արսեն Հարությունյանը պայքարը սկսել էր քառորդ եզրափակիչից, որտեղ տուշեով հաղթել էր մակեդոնացի Բեսիր Ալիլիին: Գոտեմարտը տեւել էր 2 րոպե 19 վայրկյան:
Քիչ անց կիսաեզրափակիչոււմ մրցագորգ դուրս կգա Հրայր Ալիխանյանը, որի մրցակիցը Ռիոյի Օլիմպիական խաղերի բրոնզե մեդալակիր, աշխարհի կրկնակի, Եվրոպայի քառակի չեմպիոն, Իտալիայի ներկայացուցիչ Ֆրանկ Չամիզոն է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։