Հունգարիայի մայրաքաղաք Բուդապեշտում ընթացող ազատ ոճի ըմբշամարտի Եվրոպայի առաջնությունում 61 կգ քաշայինների քառորդ եզրափակիչում Հայաստանի առաջատար ըմբիշ Արսեն Հարությունյանը տուշեով հաղթեց մակեդոնացի Բեսիր Ալիլիին: Գոտեմարտը տեւեց 2 րոպե 19 վայրկյան:
Աշխարհի առաջնության բրոնզե մեդալակիրը մեծ ակտիվությամբ սկսեց եւ մեկնարկից սկսեց միավորներ վաստակել: Նախ՝ երկու միավորանոց գցում կատարեց, որի հետ չհամաձայնեց մրցակցի մարզչական անկյունը: Կապույտ անկյունը բողոքարկեց, բայց մրցավարները չբավարարեցին եւ հաշիվը դարձավ 3:0՝ Արսեն Հարությունյանի օգտին:
Առաջին մրցափուլի միջնամասում Արսեն Հարությունյանը հարմար բռնցվածքով գլորում կատարեց՝ 5:0, ապա գրանցվեց տուշե:
Կիսաեզրափակիչում Արսեն Հարությունյանի մրցակիցը կլինի 2021 թվականի Եվրոպայի բրոնզե մեդալակիր, Լեհաստանի ներկայացուցիչ Էդուարդ Գրիգորեւը:
Երկրորդ մրցումային օրը պայքարի մեջ մտցած Հովհաննես Մխիթարյանը քառորդ եզրափակիչում պարտվեց վրացի Միրիանի Մայսուրաձեին (0:10):
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։