Ազատ ոճի ըմբշամարտի Եվրոպայի բրոնզե մեդալակիր, աշխարհի անհատական գավաթի բրոնզե մեդալակիր Արման Անդրեասյանը վստահ հաղթանակով դուրս եկավ Եվրոպայի առաջնության եզրափակիչ եւ կպայքարի չեմպիոնի կոչման համար:
Հունգարիայի մայրաքաղաք Բուդապեշտում ընթացող առաջնության 70 կգ քաշայինների կիսաեզրափակիչում Հայաստանի ներկայացուցիչը մրցեց մոլդովացի Նիկոլայ Գրամեզի հետ եւ վստահ հաղթանակ տարավ 6:2 հաշվով:
Առաջին մրցափուլը Արման Անդրեասյանը մեծ ակտիվությամբ սկսեց եւ առաջին րոպեին երկու միավորանոց գցում կատարեց ապա երկու միավորանոց գլորում: Մրցակիցները գնացին հանգստի 4:0 հաշվով:
Երկրորդ մրցափուլում մոլդովացի ըմբիշին հաջողվեց երկու միավոր վաստակել, բայց եւս երկուսն իր հաշվին ավելացրեց Արման Անդրեասյանը:
Եվրոպայի բրոնզե մեդալակիրը պայքարը սկսել էր 1/8 եզրափակիչից, որտեղ 3:1 հաշվով հաղթել էր 2018 թվականի Եվրոպայի փոխչեմպիոն, 2019 թվականի Եվրոպայի բրոնզե մեդալակիր, 28-ամյա թուրք Սելահաթին Կիլիչսալայանին, քառորդ եզրափակիչում 5:1 հաշվով առավելության հասավ գերմանացի Քեվին Քրիստոֆեր Հենկելի նկատմամբ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։