Թինա Կարապետյան - Սիմոն Պրուքս Սենեկալ պարային զույգը 14-րդ տեղից դուրս եկավ գեղասահքի աշխարհի առաջնության եզրափակիչ եւ մարտի 26-ին կմասնակցի ազատ ծրագրին:
Ֆրանսիայի Մոնպելյե քաղաքում ընթացող աշխարհի առաջնությունում ավարտվեց պարային զույգերի կարճ ծրագիրը, որին մասնակցեց 31 զույգ:
Հայաստանը ներկայացնող միակ պարային զույգը կարճ ծրագրում վաստակեց 68. 50 միավոր, որից 38.21 միավորը տեխնիկայի համար, 30.29-ը՝ ստեղծագործության:
Կարճ ծրագրում ամենաբարձր միավորները վաստակեց Ֆրանսիան ներկայացնող Գաբրիելա Պապադակիս- Գիյոմ Սիզերոնը: Նրանք վաստակեցին 92.73 միավոր, ինչն աշխարհի ռեկորդ է: Ֆրանսիան ներկայացնող զույգը գերազանցեց իր իսկ ռեկորդը, որը սահմանել էր Պեկին-2022-ի ձմեռային Օլիմպիական խաղերում: Նախորդ ռեկորդը 90.83 էր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։