Աշխարհի առաջին ռակետն ավարտեց կարիերան

10:21   23 մարտի, 2022

Աշխարհի առաջին ռակետ Էշլի Բարթին հայտարարեց պրոֆեսիոնալ թենիսիստի կարիերան ավարտելու մասին։ 25-ամյա ավստրալացի մարզուհին երկրորդ անգամ է հեռանում թենիսից։ 2014 թվականին նա նույնպես հայտարարել էր կարիերան ավարտելու մասին, սակայն 2016-ին վերսկսել էր մասնակցել մրցումների։

«Գիտեմ, որ մեկ անգամ արդեն արել եմ այսպիսի հայտարարություն, բայց այս անգամ այլ զգացողություններ ունեմ։ Շնորհակալ եմ թենիսին իմ բոլոր երազանքներն իրականություն դարձնելու համար։ Հիմա հեռանալու եւ այլ երազանքների հետեւից գնալու ժամանակն է»,- Բարթիի խոսքը մեջբերում է BBC-ն։

Բարթին նվաճել է WTA-ի 15 տիտղոս, այդ թվում «Մեծ սաղավարտի» մրցաշարերի 3 տիտղոս։ Այս տարի նա դարձավ Ավստրալիայի բաց առաջնության չեմպիոն։ Բարթին 119 շաբաթ առաջին ռակետի կարգավիճակում է, երրորդ մրցաշրջանն անընդմեջ ավարտել է համաշխարհային դասակարգման առաջին տեղում։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։