ATP․ Ռաֆայել Նադալը կվերադառնա լավագույն եռյակ
15:11 20 մարտի, 2022Աշխարհի չորրորդ ռակետ, «Մեծ սաղավարտի» մրցաշարերի 21-ակի հաղթող Ռաֆայել Նադալը ԱՄՆ-ի Ինդիան Ուելս քաղաքում անցկացվող «Մասթերս» մրցաշարի եզրափակիչ դուրս գալու շնորհիվ երկուշաբթի կվերադառնա Պրոֆեսիոնալ թենիսիստների ասոցիացիայի համաշխարհային դասակարգման լավագույն եռյակ։
Ինդիան Ուելսի մրցաշարի կիսաեզրափակիչում իսպանացի Կառլոս Ալկարասին պարտության մատնելու շնորհիվ Նադալը վաստակել է 600 վարկանիշային միավոր եւ կշրջանցի Գերմանիայի ներկայացուցիչ Ալեքսանդր Զվերեւին։
Նադալը լավագույն եռյակից դուրս էր մնացել 2021թ․ օգոստոսին։ Աշխարհի առաջին ռակետը սերբ Նովակ Ջոկովիչն է, երկրորդ տեղում է ռուսաստանցի Դանիիլ Մեդվեդեւը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։