Աթլետիկայի աշխարհի ձմեռային առաջնությունում Հայաստանի միակ ներկայացուցիչ Լեւոն Աղասյանը մեկնարկի դուրս չի եկել: Նա վնասվածք է ստացել:
Այս մասին NEWS.am Sport-ի թղթակցի հետ զրույցում Սերբիայից հայտնեց Հայաստանի առաջատար եռացատկորդը:
Սերբիայի մայրաքաղաք Բելգրադում մարտի 18-ին մեկնարկել է մարզասրահներում անցկացվող աթլետիկայի աշխարհի ձմեռային առաջնությունը, որին Հայաստանից պետք է մասնակցեր Լեւոն Աղասյանը:
«Նախավարժանքի ժամանակ վնասվածք ստացա եւ չմասնակցեցի որակավորման փուլին»,- ասաց Լեւոն Աղասյանը:
Կապանցի եռացատկորդը մրցավայրում է մարտի 16-ից: Եռացատկի որակավորման փուլին նա պետք է մասնակցեր մարտի 18-ին:
Նշենք, որ մարտին 5-ին Ստամբուլում անցկացված Բալկանյան երկրների առաջնությունում Լեւոն Աղասյանը նվաճել էր եռացատկի մրցաշարի հաղթողի կոչումը: Նա գրանցել էր 16մ 26 սմ արդյունք:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։