Կառլեն Մկրտչյանն ավարտեց կարիերան

Հայաստանի հավաքականի նախկին ֆուտբոլիստ, 33-ամյա Կառլեն Մկրտչյանը ֆեյսբուքյան գրառումով հայտնել է կարիերան ավարտելու մասին։

«Սիրելի՜ ընկերներ և երկրպագուներ, ցանկանում եմ տեղեկացել, որ ստացած վնասվածքների արդյունքում դադարեցնում եմ իմ ֆուտբոլային կարիերան: Ցանկանում եմ նշել, որ ինձ համար միշտ հաճելի է եղել խաղալ մեր ազգային հավաքականում, որի համար առանձնահատուկ շնորհակալություն եմ հայտնում այն մարզիչներին, ում շնորհիվ ես կայացել եմ որպես ֆուտբոլիստ. Հանձինս՝ Գրիշա Աբրահամյանի, Արմեն Գյուլբուդաղյանցի և Վարդան Մինասյանի։

Ինչպես նաև շնորհակալ եմ իմ խաղընկերներին եւ բոլոր երկրպագուներին, ովքեր աջակցել են ինձ և մեր հավաքականին։ Առանձնահատուկ շնորհակալություն եմ հայտնում Ֆուտբոլի Ֆեդերացիային՝ մշտապես իմ կողքին լինելու եւ աջակցելու համար։

Հարգանքներով՝ Կառլեն Մկրտչյան»։

Նրա վերջին ակումբը Երեւանի «Փյունիկն» էր։ Կարիերայի ընթացքում հանդես է եկել նաեւ Դոնեցկի «Մետալուրգում», Մախաչկալայի «Անժիում», Կոստանայի «Տոբոլում»։