Կամո Հովհաննիսյան. Հենրիխ Մխիթարյանի հեռանալը դրական չի ազդի հավաքականի վրա

15:33   4 մարտի, 2022

Անսպասելի էր Հենրիխ Մխիթարյանի որոշումը: Նրա հեռանալը, միանշանակ, դրական ազդեցություն չի ունենա հավաքականի համար:

Այս մասին NEWS.am Sport-ի թղթակցի հետ զրույցում Ղազախստանից ասաց Հայաստանի հավաքականի եւ ղազախական «Աստանայի» պաշտպան Կամո Հովհաննիսյանը՝ մեկնաբանելով իտալական «Ռոմայի» 33-ամյա կիսապաշտպան Հենրիխ Մխիթարյանի հայտարարությունը ազգային թիմում կարիերան ավարտելու մասին։

«Անսպասելի էր Հենրիխ Մխիթարյանի որոշումը, բայց նա բոլորից լավ գիտի՝ որն է ճիշտ իր համար: Մենք միայն կարող ենք հարգել եւ հաջողություն մաղթել նրան իր հետագա ակումբային կարիերայում: Հենրիխ Մխիթարյանի հեռանալը միանշանակ հավաքականի վրա դրական չի ազդի»,- ասաց Կամո Հովհաննիսյանը:

Հենրիխ Մխիթարյանն ազգային թիմում հանդես էր գալիս 2007 թվականից՝ 95 խաղում խփելով 32 գոլ եւ դառնալով հավաքականի լավագույն ռմբարկուն։

Լուսինե Շահբազյան



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.