Հայաատանի հավաքականի երեք ներկայացուցիչ դուրս է եկել Դոհայում մարտի 2-ից մեկնարկած սպորտային մարմնամարզության աշխարհի գավաթի հերթական փուլի մրցաշարի եզրափակիչ։
Նժույգ թափեր վարժությունում առաջին տեղով եզրափակիչում է աշխարհի բրոնզե մեդալակիր, Եվրոպայի չեմպիոն Հարություն Մերդինյանը։ Օղակների վարժության եզրափակիչում են Վահագն Դավթյանն ու Արթուր Ավետիսյանը։ Վահագն Դավթյանը որակավորման փուլում լավագույն արդյունքն է ցույց տվել։
Մարտի 3-ին տեղի կունենա հենացատկի վարժության որակավորման փուլը, որին կմասնակցի Տոկիոյի Օլիմպիական խաղերի բրոնզե մեդալակիր Արթուր Դավթյանը։
Եզրափակիչները տեղի կունենան մարտի 4-ին։
Հիշեցնենք, որ փետրվարի 27-ին Գերմանիայի Կոտբուս քաղաքում անցկացված աշխարհի գավաթի խաղարկության հերթական փուլի մրցաշարում Արթուր Դավթյանը հենացատկի վարժության եզրափակիչում զբաղեցրել էր առաջին տեղը ( 14.983 միավոր)։
Կոտբուսում Հայաստանի հավաքականից մեդալակիր էր դարձել Եվրոպայի փոխչեմպիոն Վահագն Դավթյանը։ Օղակների վարժությունում Դավթյանը 14.600 միավորով երկրորդն էր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։