Դորտմունդի «Բորուսիան» բաց թողեց հաղթանակը վերջնամասում (տեսանյութ)

Գերմանիայի առաջնության 24-րդ տուրում Դորտմունդի «Բորուսիան» հյուրընկալվեց «Աուգսբուրգին» եւ հաղթանակը բաց թողեց վերջնամասում։ Գրանցվեց ոչ ոքի՝ 1։1։

35-րդ րոպեին խաղի հաշիվը բացեց «Բորուսիան»։ Աչքի ընկավ բելգիացի կիսապաշտպան Տորգան Ազարը։ 78-րդ րոպեին հավասարությունը վերականգնեց դաշտի տերերի նիգերիացի կիսապաշտպան Նոա-Ջոել Սարենրեն-Բազեեն։

«Բորուսիան» 50 միավորով երկրորդն է եւ առաջատար «Բավարիայից» հետ է 8 միավոր։ «Աուգսբուրգը» 15-րդն է՝ 23 միավոր։

Եվրոպական առաջնություններում բոլոր հանդիպումների մեկնարկից առաջ տեղի են ունենում Ուկրաինայում ռուսական զինված ուժերի ռազմական գործողությունների դադարեցման եւ խաղաղության կոչով միջոցառումներ։

Գերմանիայի առաջնություն, 24-րդ տուր

«Աուգսբուրգ» - «Բորուսիա Դորտմունդ»՝ 1։1 (տեսանյութ)

Տորգան Ազար, 35 - Նոա-Ջոել Սարենրեն-Բազեե, 78