Ձյուդոյի միջազգային ֆեդերացիան դադարեցրել է Պուտինի լիազորությունները պատվավոր նախագահի կարգավիճակում

13:06   27 փետրվարի, 2022

Ձյուդոյի միջազգային ֆեդերացիան, հաշվի առնելով Ուկրաինայում ռուսական զինուժի գործողությունները, առկախել է կազմակերպության պատվավոր նախագահ եւ դեսպան, ՌԴ նախագահ Վլադիմիր Պուտինի լիազորությունները։

«Ուկրաինայում ռազմական հակամարտության ֆոնին, Ձյուդոյի միջազգային ֆեդերացիան հայտարարում է Ֆեդերացիայի պատվավոր նախագահ եւ դեսպան պարոն Վլադիմիր Պուտինի կարգավիճակի առկախման մասին»,- նշվում է ՁՄՖ-ի հայտարարությունում։

Վլադիմիր Պուտինը 2008-ին էր արժանացել ՁՄՖ-ի պատվավոր նախագահի կարգավիճակի։

ՁՄՖ-ն նաեւ չեղարկել է մայիսի 20-22-ին Կազանում նախատեսված «Մեծ սաղավարտ» միջազգային մրցաշարը։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։