Բռնցքամարտիկ Լիլիթ Դալլաքյանի դոպինգ-նմուշառման մեջ հայտնաբերվել է արգելված նյութ
11:14 23 փետրվարի, 2022Բռնցքամարտիկ Լիլիթ Դալլաքյանի` Հայաստանի առաջնության ժամանակ վերցված դոպինգ-նմուշառման մեջ հայտնաբերվել է արգելված նյութ՝ Ֆուրոսեմիդ (S5 միզամուղ և քողարկող միջոցներ), հայտնում է Հայաստանի հակադոպինգային գործակալությունը:
Դալլաքյանը ժամանակավորապես հեռացվում է սպորտից՝ հակադոպինգային կանոնների հնարավոր խախտման պատճառով։
Եթե հետաքննության ընթացքում ապացուցվի, որ մարզիկը հակադոպինգային կանոններ չի խախտել, համապատասխան որոշումը նույնպես կհրապարակվի։
Քանի դեռ մարզուհու գործն ընթացքի մեջ է, Հակադոպինգային գործակալությունը որևէ մեկնաբանություն չի տալու:
48 կգ քաշային Լիլիթ Դալլաքյանը բռնցքամարտի կանանց Հայաստանի հավաքականի հետ մեկնել է Բուլղարիա։ Նա պետք է մասնակցեր Ստրանջայի մրցաշարին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։