ՉԼ․ Վլահովիչի գոլը 32-րդ վայրկյանին, «Յուվենտուսն» ու «Չելսին» հաղթում են առաջին խաղակեսերից հետո (ֆոտո, վիդեո)

Ֆուտբոլի եվրոպական Չեմպիոնների լիգայում փետրվարի 22-ին շարունակվում են 1/8 եզրափակիչի առաջին հանդիպումները։

Թուրինի «Յուվենտուսն» Իսպանիայում հյուրընկալվել է «Վիլյառեալին» եւ առաջին խաղակեսից հետո հաղթում է 1։0 հաշվով։ Չեմպիոնների լիգայում նորամուտը արագ գոլով նշեց իտալական թիմի նորեկ, 22-ամյա սերբ հարձակվող Դուշան Վլահովիչը, որը մրցակցի դարպասը գրավեց 32-րդ վայրկյանին։ Սեփական կիսադաշտից գոլային փոխանցում կատարեց բրազիլացի պաշտպան Դանիլոն։ 

Չեմպիոնների լիգայում առաջին հանդիպումն անցկացնող ֆուտբոլիստի համար սա ամենաարագ գոլն է մրցաշարի պատմության մեջ։ Նախորդ ռեկորդը պատկանում էր Գերմանիայի հավաքականի կազմում աշխարհի ու Եվրոպայի չեմպիոն Անդրեաս Մյոլերին, որը 1995 թվականին Դորտմունդի «Բորուսիայի» կազմում գրավել է «Յուվենտուսի» դարպասը 37-րդ վայրկյանին։

Vlahović scores on his Champions League debut!#UCL pic.twitter.com/5wMz7ah1DI

— UEFA Champions League (@ChampionsLeague) February 22, 2022

Անգլիական «Չելսին» Լոնդոնում ընդունել է ֆրանսիական «Լիլին» եւ նույնպես հաղթում է նվազագույն հաշվով։ 8-րդ րոպեին աչքի ընկավ գերմանացի կիսապաշտպան Կայ Հավերցը։

Ընդմիջում է։

The Chelsea boys.

1-0 [22’] #CheLil pic.twitter.com/72t1nEEGtg

— Chelsea FC (@ChelseaFC) February 22, 2022

Չեմպիոնների լիգա, 1/8 եզրափակիչ առաջին խաղ

«Չելսի» (Անգլիա) - «Լիլ» (Ֆրանսիա)՝ 1։0 (առաջին խաղակես)

Կայ Հավերց, 8

Kai Havertz loves the Champions League! #UCL pic.twitter.com/PwJCyhgxSt

— UEFA Champions League (@ChampionsLeague) February 22, 2022

«Վիլյառեալ» (Իսպանիա) - «Յուվենտուս» (Իտալիա)՝ 0։1 (առաջին խաղակես)

Դուշան Վլահովիչ, 1

What a start for Champions League debutant Dušan Vlahović!#UCL pic.twitter.com/w7Q3aSkqhO

— UEFA Champions League (@ChampionsLeague) February 22, 2022