«Էսպանյոլն» ու «Սեւիլիան» հաղթողին չպարզեցին (տեսանյութ)

19:01   20 փետրվարի, 2022

Իսպանիայի առաջնության 25-րդ տուրում «Սեւիլիան» Բարսելոնայում հյուրընկալվեց «Էսպանյոլին»։ Գրանցվեց ոչ ոքի՝ 1։1։

Հյուրերն առաջինը հասան հաջողության։ 36-րդ րոպեին հաշիվը բացեց «Սեւիլիայի» իսպանացի հարձակվող Ռաֆայել Միռը։ «Էսպանյոլը» հավասարությունը վերականգնեց 50-րդ րոպեին իսպանացի կիսապաշտպան Սերխի Դարդերի գոլի շնորհիվ։

76-րդ րոպեին հեռացվեց «Սեւիլիայի» ֆրանսիացի պաշտպան Ժյուլ Կունդեն։ «Էսպանյոլը» մնացած ժամանակում չկարողացավ օգտագործել թվային առավելությունը։

«Սեւիլիան» 51 միավորով երկրորդն է եւ 6 միավոր հետ է առաջատար «Ռեալից»։ «Էսպանյոլը» 14-րդն է՝ 29 միավոր։

Իսպանիայի առաջնություն, 25-րդ տուր

«Էսպանյոլ» - «Սեւիլիա»՝ 1։1 (տեսանյութ)

Սերխի Դարդեր, 50 - Ռաֆայել Միռ, 36

Հեռացում՝ Ժյուլ Կունդե («Սեւիլիա»), 76, երկրորդ դեղին քարտ



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։