Suzuki Boxing Night․ Հայաստանի թիմը հաղթել է լեհերին
17:05 19 փետրվարի, 2022Պրոֆեսիոնալ բռնցքամարտի Հայաստանի հավաքականը հաղթեց Լեհաստանում անցկացվախ Suzuki Boxing Night մրցաշարում։ Հայաստան - Լեհաստան դիմակայության 9 մենամարտից 5-ում հաղթեցին հայ բռնցքամարտիկները 51 կգ քաշային Ռուդոլֆ Գարբոյանը, 57 կգ քաշային Ժիրայր Սարգսյանը, 60 կգ քաշային Համլետ Մնացականյանը, 63,5 կգ քաշային Ժորժիկ Մարությանը, 71 կգ քաշային Տիգրան Մելքոնյանը, հաղորդում է Համահայկական բռնցքամարտի և պրոֆեսիոնալ մարզաձևերի ֆեդերացիայի ֆեյսբուքյան էջը։
48 կգ քաշային Արմեն Ղուշչյանի, 54 կգ քաշային Ռուբեն Գարբոյանի ու 80 կգ քաշային Սարգիս Մարգարյանի մրցակիցները մենամարտին չէին ներկայացել առողջական խնդիրների պատճառով։
Հայ բռնցքամարտիկները հանդես էին գալիս մարզիչ Գարիկ Բաղդասարյանի և Արթուր Ռեսթևանյանի գլխավորությամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։