ՉԼ․ Մբապեն՝ շաբաթվա լավագույն խաղացող

Չեմպիոնների լիգայի 1/8 եզրափակիչի առաջին հանդիպումների արդյունքում շաբաթվա լավագույն խաղացող է ճանաչվել փարիզյան ՊՍԺ-ի եւ աշխարհի չեմպիոն Ֆրանսիայի հավաքականի հարձակվող Կիլիան Մբապեն ՈւԵՖԱ-ի կայքում անցկացված քվեարկությամբ։

Մադրիդի «Ռեալի» դեմ տնային խաղում 23-ամյա ֆուտբոլիստը հաղթական գոլի հեղինակ էր դարձել ավելացված ժամանակում՝ 1։0։

Մրցանակին հավակնում էին նաեւ․

Բերնարդու Սիլվա («Մանչեսթեր Սիթի»)․ 2 գոլ + 1 գոլային փոխանցում Լիսաբոնի «Սպորտինգի» դեմ խաղում (5։0)։

Մոհամեդ Կամարա («Զալցբուրգ»)․ տպավորիչ խաղ կիսապաշտպանությունում Մյունխենի «Բավարիայի» դեմ խաղում (1։1)։

Վիրջիլ վան Դեյք («Լիվերպուլ»)․ անթերի խաղ պաշտպանությունում Միլանի «Ինտերի» դեմ խաղում (2։0)։