«Էսպանյոլը» վերջին վայրկյաններին բաց թողեց հաղթանակը «Բարսելոնայի» դեմ խաղում (տեսանյութ)
01:57 14 փետրվարի, 2022Իսպանիայի առաջնության 24-րդ տուրում տեղի ունեցավ կատալոնական դերբին «Էսպանյոլի» եւ «Բարսելոնայի» մասնակցությամբ։ Գրանցվեց ոչ ոքի՝ 2։2։
Խաղի հաշիվն արդեն երկրորդ րոպեին բացեց Չավիի գլխավորած թիմի իսպանացի կիսապաշտպան Պեդրին։
«Էսպանյոլը» հավասարությունը վերականգնեց 40-րդ րոպեին իսպանացի կիսապաշտպան Սերխի Դարդերի գոլի շնորհիվ։ 64-րդ րոպեին դաշտի տերերի երկրորդ գոլը խփեց իսպանացի հարձակվող Ռաուլ դե Թոմասը։
«Բարսելոնան» պարտությունից խուսափեց վերջին վայրկյաններին հոլանդացի հարձակվող Լյուկ դե Յոնգի խփած գոլի շնորհիվ։
«Բարսելոնան» (23 խաղ) 39 միավորով չորրորդն է։ Նույնքան միավոր ունի 5-րդ տեղում գտնվող Մադրիդի «Աթլետիկոն» (23 խաղ)։ «Էսպանյոլը» (24 խաղ) 13-րդն է՝ 28 միավոր։
Իսպանիայի առաջնություն, 24-րդ տուր
«Էսպանյոլ» - «Բարսելոնա»՝ 2։2 (տեսանյութ)
Սերխի Դարդեր, 40, Ռաուլ դե Թոմաս, 64 - Պեդրի, 2, Լյուկ Դե Յոնգ, 90+6
Հեռացումներ․ Նիկո Մելամեդ, 90+3, երկրորդ դեղին քարտ – Ժերար Պիկե, 90+2, երկրորդ դեղին քարտ
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.