«Յուվենտուսը» կիսաեզրափակիչում է (տեսանյութ)

01:59   11 փետրվարի, 2022

Իտալիայի գավաթի խաղարկության քառորդ եզրափակիչում «Յուվենտուսը» Թուրինում մրցեց «Սասուոլոյի» հետ եւ հաղթանակ տարավ 2։1 հաշվով։

Արդեն երրորդ րոպեին խաղի հաշիվը բացեց «Յուվենտուսի» արգենտինացի հարձակվող Պաուլո Դիբալան։ 24-րդ րոպեին հյուրերը վերականգնեցին հավասարությունը, սակայն վերջին րոպեներին թուրինյան թիմի նորեկ, սերբ հարձակվող Դուշան Վլահովիչի ուժեղ հարվածից հետո սեփական դարպասը գրավեց «Սասուոլոյի» բրազիլացի պաշտպան Ռուանը։

«Յուվենտուսը» դուրս եկավ կիսաեզրափակիչ եւ կմրցի «Ֆիորենտինայի» հետ, որը 3։2 հաշվով հաղթել էր «Ատալանտային»։

Եզրափակիչի մյուս ուղեգիրը կվիճարկեն «Միլանն» ու «Ինտերը»։ Առաջին հանդիպումները տեղի կունենան մարտի 2-ին։

Իտալիայի գավաթ, քառորդ եզրափակիչ

«Յուվենտուս» - «Սասուոլո»՝ 2։1 (տեսանյութ)

Պաուլո Դիբալա, 3, Ռուան, 88, ինքնագոլ - Համեդ Տրաորե, 24



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։