Դուգլաս Կոստան տեղափոխվեց «Լոս Անջելես Գելաքսի»

Թուրինի «Յուվենտուսի» բրազիլացի կիսապաշտպան Դուգլաս Կոստան կարիերան կշարունակի «Լոս Անջելես Գելաքսիում», հաղորդում է ամերիկյան ակումբի մամուլի ծառայությունը։

Վարձակալության պայմանագիրը նախատեսված է մինչեւ այս մրցաշրջանի ավարտը։ Այնուհետեւ կողմերը կկնքեն լիարժեք պայմանագիր, որը նախատեսված կլինի մինչեւ 2023թ. դեկտեմբերի 31-ը։

Դուգլաս Կոստայի նախորդ ակումբը բրազիլական «Գրեմիոն» էր, որտեղ նույնպես հանդես էր գալիս վարձակալությամբ։

Բրազիլիայի ավարտված մրցաշրջանում Դուգլաս Կոստան մասնակցել է 27 հանդիպման, խփել 3 գոլ, կատարել 2 գոլային փոխանցում։