Չինաստանի մայրաքաղաք Պեկինում ընթացող 24-րդ ձմեռային Օլիմպիական խաղերում 6-րդ մեդալային օրը մեկնարկ դուրս եկան Հայաստանի ներկայացուցիչներ Կատյա Գալստյանը եւ Անգելինա Մուրադյանը:
Հայ դահուկավազորդները մասնակցեցին 10 կմ դասական ոճում: 98 մասնակիցների մեջ Կատյա Գալստյանը եզրագիծը հատեց 74-րդը: Նրա արդյունքն է 34 րոպե 37.5 վայրկյան:
Երրորդ Օլիմպիական խաղերին մասնակցող 29-ամյա դահուկավազորդն ավարտեց մրցելույթները Պեկին-2022-ում:
Անգելինա Մուրադյանը մասնակցեց իր առաջին Օլիմպիական խաղերին, որը նաեւ 18-ամյա դահուկավազորդի առաջին միջազգային փորձն էր: Մուրադյանը եզրագիծը հատեց 94-րդը։ Նրա արդյունքն է 39 րոպե 43.4 վայրկյան:
Անգելինա Մուրադյանը եւս ավարտեց մրցելույթները 24-րդ ձմեռային Օլիմպիական խաղերում:
Օլիմպիական չեմպիոնի կոչումը նվաճեց նորվեգացի Թերեզա Յոհաուգը 28:06.3 արդյունքով: Նա երկրորդ ոսկե մեդալը նվաճեց այս Խաղերում։
2nd Olympic #Gold medal at #Beijing2022 and 5th Olympic medal overall for Therese Johaug (Norway) as she takes the top spot in #CrossCountrySkiing - Women's 10km Classic.#StrongerTogether
— Olympics (@Olympics) February 10, 2022
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։