Պեկինի 24-րդ ձմեռային Օլիմպիական խաղերի 6-րդ մեդալային օրը ԱՄՆ-ի հավաքականը սկսեց երկու հաղթանակով։
Սնոուբորդի կանանց հաֆփայփում երկրորդ Օլիմպիական խաղերում անընդմեջ հավասարը չունեցավ ամերիկացի Խլոյա Կիմը, իսկ գեղասահքի տղամարդկանց մենասահքում անգերազանցելի էր Նեյթան Չենը։
Ընդհանուր մեդալային հաշվարկում ԱՄՆ-ի հավաքականը 3 ոսկե, 5 արծաթե եւ 1 բրոնզե մեդալով բարձրացավ չորրորդ տեղ։ Առաջատարը Գերմանիան է՝ 5 ոսկե, 3 արծաթե մեդալ։ Երկրորդ տեղում նորվեգացիներն են՝ 4-ական ոսկե ու բրոնզե, 2 արծաթե մեդալ։ Եռյակը եզրափակում է Շվեդիան՝ 4 ոսկե, 1 արծաթե, 2 բրոնզե մեդալ։
Պեկին-2022. Փետրվարի 10, 6-րդ մեդալային օր
Սնոուբորդ, կանայք, հաֆփայփ
Գեղասահք, տղամարդիկ, մենասահք
Մեկնարկել է 10:15-ին (Երեւանի ժամանակ). Լեռնադահուկային սպորտ, տղամարդիկ, երկամարտ, ոլորավայրէջք։
11:00. Դահուկավազք, կանայք, 10 կմ, դասական ոճ։
11:20. Սնոուբորդ-կրոս, տղամարդիկ։
15:50. Ֆրիսթայլ, ակրոբատիկա, խառը։
16:00. Չմշկավազք, կանայք, 5000 մետր։
17:30. Սահնակային սպորտ, փոխանցասահք։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։