Պեկին-2022․ Թինա Կարապետյանն ու Միքայել Միքայելյանը՝ Հայաստանի դրոշակակիրներ
12:58 4 փետրվարի, 2022Պեկինի 24-րդ ձմեռային Օլիմպիական խաղերում Հայաստանի պատվիրակության դրոշակակիրները կլինեն գեղասահորդուհի Թինա Կարապետյանն ու դահուկավազորդ Միքայել Միքայելյանը, հաղորդում է ՀԱՕԿ լրատվականը։
Պեկինի Խաղերի բացման արարողությունը տեղի կունենա փետրվարի 4-ին եւ կմեկնարկի Երեւանի ժամանակով 16։00-ին։
Խաղերին կմասնակցի 91 երկրի ավելի քան 4 հազար ներկայացուցիչ: 7 մարզաձեւի 15 մրցաձևեում կվիճարկվի մեդալների 109 հավաքածու:
Խաղերի բացումը տեղի կունենա Պեկինի Ազգային ստադիոնում, որտեղ 2008-ին անցկացվել էր նաեւ Պեկինի ամառային Խաղերի բացման արարողությունը։
Պեկինը միակ քաղաքն է, որը ե՛ւ ամառային, ե՛ւ ձմեռային Օլիմպիական Խաղեր է ընդունել։
Հայաստանի կունենա 6 մասնակից․ Թինա Կարապետյան - Սիմոն Պրոուքս Սենեկալ պարային զույգը, դահուկավազորդներ Միքայել Միքայելյանը, Կատյա Գալստյանը, Անգելինա Մուրադյանը և լեռնադահուկորդ Հարություն Հարությունյանը, որը վարակվել էր կորոնավիրուսով եւ դեռ չի մեկնել Չինաստանի մայրաքաղաք:
Խաղերը կավարտվեն փետրվարի 20-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.