Le Figaro. Ֆրանսիայի հավաքականի վատագույն արդյունքը 10 տարում
16:49 19 մարտի, 2012Ռեգբիի Ֆրանսիայի հավաքականը Վեց ազգերի գավաթի խաղարկությունում մարտի 17-ին Կարդիֆում պարտվեց Ուելսին` 9:16: Ֆրանսիան գրավեց չորրորդ տեղը: Նախորդ 10 տարում սա ֆրանսիացիների վատագույն արդյունքն է: Հաղթողի կոչումը նվաճեց Ուելսը:
Ֆրանսիական մամուլը սուր քննադատության է ենթարկել ազգային հավաքականի գլխավոր մարզիչ Ֆիլիպ Սեն Անդրեի աշխատանքը:
Le Figaro-ի հայտնի մարզական մեկնաբան Դավիդ Ռեյրան գրում է, որ Սեն Անդրեի պրագմատիկ մոտեցումից շատ բան էին սպասում, սակայն խաղադաշտում վերջին շրջանում նկատվում է միայն թույլ պաշտպանություն, անավարտ գրոհներ, գնդակի կորուստ, ահավոր վատ խաղ ոտքով, անհաջող փոխանցումներ: Այդ ամենը ազդել է նաեւ խաղացողների ընդհանուր հոգեբանական վիճակի վրա:
«Հավաքականը հինգ խաղերից միայն երկուսում է հաղթել: Բացակայում է կայուն խաղը, հավաքականը նման է վինեգրետի, խաղացողներին չի միավորում ընդհանուր մոտիվացիա: Վետերանների եւ երիտասարդների համադրումը չի ստացվում:
Օրինակ` Անգլիայի հավաքականը գրեթե ամբոջղությամբ կազմված է երիտասարդներից: Դա տվեց արդյունք. անգլիացիները գրավեցին երկորրդ տեղը: Իսկ Ֆրանսիայի հավաքականի 23 խաղացողներից 17-ը նախորդ աշխարհի առաջնության մասնակիցներ են:
Եվ միայն այժմ ձախողվելուց հետո գլխավոր մարզիչ Սեն Անդրեն արթնանում է եւ հայտարարում, որ մտադիր է ներգրավել միայն երիտասարդներին: Մրցաշարում պարտվելուց հետո էր միայն հնարավոր հասկանալ, որ մինչեւ 40 տարեկան չեն կարող ռեգբի խաղալ», - գրում է Le Figaro-ն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.