Բռնցքամարտի Հայաստանի առաջնությունում հայտնի են 5 քաշային կարգի եզրափակիչների մասնակիցները
23:06 27 հունվարի, 2022Բռնցքամարտի Հայաստանի առաջնությունում հայտնի են դարձել 5 քաշային կարգի եզրափակիչների մասնակիցները, հաղորդում է ՀԲՖ-ի մամուլի ծառայությունը: 48 կգ քաշային կարգում Գյումրու մարզադպրոցի սան Սեյրան Վարդանյանը առավելության հասավ Արմեն Ղուշչյանի նկատմամբ: 54 կգ քաշային կարգում Վլադիմիր Ենգիբարյանի մազրադպրոցը ներկայացնող Էրիկ Թոխյանը համառ պայքարում հաղթեց աշխարհի առաջնության մասնակից Վահե Բադալյանին: Նույն քաշային կարգում եզրափակիչի ուղեգիր ձեռք բերեց նաև Ջանիկ Սահակյանը, որն առավելության հասավ Սուրեն Ռուբինյանի նկատմամբ: 57 կգ քաշային կարգում Արթուր Բազեյանը մեծ առավելությամբ հաղթեց Դավիթ Հովհաննիսյանին: Եզրափակիչում նա կմրցի օլիմպիական հերթափոխի քոլեջի սան Ռուսլան Ասլիկյանի հետ:
71 կգ քաշային կարգում եզրափակիչ դուրս եկան Գեղարքունիքը ներկայացնող Նարեկ Զախարյանն ու Հայրիկ Նազարյանը: 75 կգ քաշային կարգի քառորդ եզրափակիչում հաղթանակներ տարան Լիպարիտ Ուստյանը, Սուրիկ Համբարյանը, Լիպարիտ Ղուլարյանն ու Վաղթանգ Հարությունյանը: 80 կգ քաշային կարգում եզրափակիչ են դուրս եկել մինչև 22 տարեկանների Եվրոպայի փոխչեմպիոն Համբարձում Հակոբյանն ու Եվրոպական խաղերի բրոնզե մեդալակիր Գոռ Ներսիսյանը: 92 կգ քաշային կարգում էլ հաղթանակ է տարել Նարեկ Մանասյանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։