AusOpen. Տիտղոսը կվիճարկեն Էշլի Բարթին ու Դանիել Քոլինզը (ֆոտո, վիդեո)

19:48   27 հունվարի, 2022

Թենիսի Ավստրալիայի բաց առաջնության կանանց մենախաղի տիտղոսը կվիճարկեն աշխարհի առաջին ռակետ, ավստրալացի Էշլին Բարթին ու 27-րդ ռակետ, ամերիկացի Դանիել Քոլինզը։

Էշլի Բարթին 6:1, 6:3 հաշվով պարտության է մատնել ամերիկացի Մեդիսոն Քիսին։ Պայքարը տեւել է 1 ժամ եւ 2 րոպե։

Դանիել Քոլինզը մրցել է լեհ Իգա Սվենտեկի (7) հետ եւ նույնպես խնդիրներ չի ունեցել՝ 6:4, 6:1։ Մրցախաղը տեւել է 1 ժամ եւ 18 րոպե։

Եզրափակիչը տեղի կունենա հունվարի 29-ին։ Էշլի Բարթին 42 տարի անց կլինի Ավստրալիայի առաջին ներկայացուցիչը Ավստրալիայի բաց առաջնության կանանց մենախաղի եզրափակիչում։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։