Էդգար Բաբայանը վերադարձավ Դանիա

00:19   27 հունվարի, 2022

Ֆուտբոլի Հայաստանի հավաքականի 26-ամյա կիսապաշտպան Էդգար Բաբայանը կես տարվա պայմանագիր է կնքել դանիական «Վայլեի» հետ, հաղորդում է ակումբի մամուլի ծառայությունը։ Այժմ թիմը մարզումային հավաք է անցկացնում Թուրքիայի Բելեկ քաղաքում։

«Վայլեն» 130 տարվա պատմություն ունի, Դանիայի հնգակի չեմպիոն է, վեցակի գավաթակիր։

Էդգար Բաբայանը Դանիայում հանդես է եկել նաեւ 2013-2021-ին՝ ներկայացնելով «Ռանդերսն» (2013-2017) ու «Հոբրոն» (2017-2021)։ Անցած տարի նա հադես է եկել Լատվիայի «Ռիգայում», աշնանը տեղափոխվել է Կիպրոսի «Պաֆոս», որի հետ պայմանագիրը խզել էր այս ամիս։

Դանիայի առաջնությունը կվերսկսվի փետրվարի 18-ին։ 18-րդ տուրում «Վայլեն» փետրվարի 20-ին կհյուրընկալվի «Սիլկեբորգին»։ 17 տուրից հետո «Վայլեն» վաստակել է 9 միավոր եւ վերջին տեղում է։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։