Կամերունում անցկացվող ֆուտբոլի Աֆրիկյան ազգերի գավաթի խաղարկության 1/8 եզրափակիչում Կոտ դ’Իվուարի հավաքականը մրցեց Եգիպտոսի հավաքականի հետ։ Հիմնական եւ լրացուցիչ ժամանակն ավարտվեց ոչ ոքի՝ 0։0։
11 մետրանոցներն ավելի հաջող իրացրին եգիպտացիները՝ 5։4։ «Լիվերպուլի» հարձակվող Մոհամեդ Սալահը իրացրեց Եգիպտոսի հավաքականի 5-րդ հարվածը։ Կոտ դ’Իվուարի հավաքականից վրիպեց միայն «Մանչեսթեր Յունայթեդի» պաշտպան Էրիկ Բային։
Մրցակիցը կլինի Մարոկկոն, որը 2։1 հաշվով պարտության էր մատնել Մալավիի թիմին։
Աֆրիկյան ազգերի գավաթ, 1/8 եզրափակիչ
Կոտ դ’Իվուար - Եգիպտոս՝ 0։0, 11մ՝ 4։5 (հիմնական ժամանակ՝ 0։0), (տեսանյութ)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։