88 տարեկանում մահացել է մարզիչ Ռաֆայել Մարգարյանը
16:37 25 հունվարի, 202288 տարեկանում կյանքից հեռացել է մարզիչ Ռաֆայել Մարգարյանը, հաղորդում է Հայաստանի բասկետբոլի ֆեդերացիայի մամուլի ծառայությունը:
Նա ծնվել է 1934թ. Երեւանում: 1956թ. ավարտել է Ֆիզիկական կուլտուրայի հայկական պետական ինստիտուտը: Երկար տարիներ եղել է Հայաստանի, ԽՍՀՄ երիտասարդական եւ մեծահասակների հավաքական թիմերի անդամ:
1970թ. Ռ. Մարգարյանի ղեկավարությամբ ՖԻՄԱ-ի բասկետբոլի տղամարդկանց թիմը դարձել է ԽՍՀՄ ուսանողական խաղերի երկրորդ, իսկ 1973թ.` «Բուրեվեստնիկ» կենտրոնական խորհրդի առաջնության երրորդ մրցանակակիր:
Ռ. Մարգարյանի գլխավորությամբ ՖԻՄԱ-ի թիմը մասնակցել է ԽՍՀՄ առաջին եւ բարձրագույն խմբերի առաջնությններին: Ռ. Մարգարյանի գլխավորությամբ Հայաստանի բասկետբոլի հավաքական թիմը մասնակցել է ԽՍՀՄ ժողովուրդների երեք սպարտակիադաներին (1967, 1971, 1975): 1989թ. տեղափոխվել է ԱՄՆ:
Հայաստանի բասկետբոլի ֆեդերացիան խորին ցավակցություն է հայտնում Ռաֆայել Մարգարյանի ընտանիքի անդամներին, հարազատներին և բարեկամներին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։