Մեսին կարճատեւ արձակուրդն անցկացնում է Բարսելոնայում, ընթրել է Չավիի եւ Բուսկետսի հետ
12:17 25 հունվարի, 2022Ֆրանսիական ՊՍԺ-ի արգենտինացի հարձակվող Լիոնել Մեսին կարճատեւ արձակուրդն անցկացնում է Բարսելոնայում։ Հունվարի 24-ին նա նախկին ակումբակիցներ, «Բարսելոնայի» գլխավոր մարզիչ Չավիի եւ կիսապաշտպան Սերխիո Բուսկետսի հետ ընթրել է Կատալոնիայի մայրաքաղաքի ռեստորաններից մեկում, հաղորդում է OnzeTv3-ը։
Հիշեցնենք, որ հունվարի 23-ին Մեսին մեկ ամսվա ընդմիջումից հետո առաջին անգամ դուրս էր եկել խաղադաշտ։ Ֆրանսիայի առաջնության 22-րդ տուրում ՊՍԺ-ն 4։0 հաշվով հաղթել էր «Ռեյմսին»։ Մեսին դուրս էր եկել փոխարինման՝ անցկացնելով մոտ կես ժամ, դառնալով գոլային փոխանցման հեղինակ։
Հունվարի սկզբին տարած կորոնավիրուսի պատճառով Մեսին մարզումները վերսկսել էր հունվարի 18-ին։ Աշխարհի առաջնության եզրափակիչ մրցաշարի ուղեգիր նվաճած Արգենտինայի հավաքականը Մեսիին չի հրավիրել Չիլիի եւ Կոլումբիայի դեմ ընտրական խաղերին։
ՊՍԺ-ն հաջորդ հանդիպումը կանցկացնի հունվարի 31-ին՝ Ֆրանսիայի գավաթի խաղարկության 1/8 եզրափակիչում ընդունելով «Նիցային»։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.