Մանչինին մտադիր է Իտալիայի հավաքական հրավիրել 2 բրազիլացի ֆուտբոլիստի

13:42   24 հունվարի, 2022

Աշխարհի առաջնության ընտրական փուլի փլեյ-օֆֆից առաջ Եվրոպայի չեմպիոն Իտալիայի հավաքականը բախվել է կադրային խնդիրների։

Թիմի իտալացի գլխավոր մարզիչ Ռոբերտո Մանչինին մտադիր է թիմ հրավիրել Իտալիայի առաջնությունում հանդես եկող երկու խաղացողի՝ «Լացիոյի» պաշտպան Լուիս Ֆելիպեին եւ «Կալյարիի» հարձակողական կիսապաշտպան Ժոաո Պեդրոյին, հաղորդում է Calciomercato-ն։

24-ամյա Լուիս Ֆելիպեն հանդես է եկել Բրազիլիայի մինչեւ 20 եւ մինչեւ 23 տարեկանների հավաքականներում, 29-ամյա Ժոաո Պեդրոն՝ Բրազիլիայի մինչեւ 17 տարեկանների հավաքականում։

Իտալիայի հավաքականում արդեն հանդես է գալիս երկու բրազիլացի՝ Էմերսոնն ու Ժորժինյոն։

Իտալիայի հավաքականը աշխարհի առաջնության ընտրական փուլի փլեյ-օֆի կիսաեզրափակիչում մարտի 24-ին կմրցի Հյուսիսային Մակեդոնիայի հետ, որի հաղթելու դեպքում եզրափակիչում կխաղա Պորտուգալիա - Թուրքիա զույգի հաղթողի հետ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։