«Ռեալն» ավելացված ժամանակում փրկվեց պարտությունից (տեսանյութ)

21:11   23 հունվարի, 2022

Իսպանիայի առաջնության 22-րդ տուրում «Ռեալն» ընդունեց «Էլչեին»։ Իտալացի Կառլո Անչելոտիի գլխավորած թիմը բավարարվեց ոչ ոքի արդյունքով՝ 2։2։

33-րդ րոպեին դաշտի տերերը ստացան 11 մետրանոցի իրավունք, սակայն ֆրանսիացի հարձակվող Քարիմ Բենզեման բարձր հարվածեց։

2009 թվականից «Ռեալում» հանդես եկող Բենզեման առաջին անգամ չկարողացավ արդյունավետ իրացնել 11 մետրանոցը։ Սրանից առաջ նա մադրիդյան ակումբում 16 անգամ գոլ է խփել 11 մետրանոցից։

42-րդ րոպեին հյուրերը բացեցին խաղի հաշիվը արգենտինացի հարձակվող Լուկաս Բոեի գոլի շնորհիվ։ 76-րդ րոպեին «Էլչեի» առավելությունը կրկնապատկեց իսպանացի հարձակվող Պերե Միլյան։

82-րդ րոպեին «Ռեալի» երկրորդ 11 մետրանոցն արդյունավետ իրացրեց խորվաթ կիսապաշտպան Լուկա Մոդրիչը։

Արքայական թիմին պարտությունից փրկեց բրազիլացի պաշտպան Էդեր Միլիտաոյի գոլն ավելացված երկրորդ րոպեին։

«Ռեալը» 50 միավորով առաջին տեղում է եւ 4 միավորի առավելություն ունի երկրորդ տեղում ընթացող «Սեւիլիայի» նկատմամբ։ «Էլչեն» 15-րդն է՝ 23 միավոր։

Երեք օր առաջ «Էլչեն» «Ռեալին» պարտվել էր Իսպանիայի գավաթի խաղարկության 1/8 եզրափակիչի հանդիպման լրացուցիչ ժամանակում՝ 1։2։ Հիմնական ժամանակն ավարտվել էր 0։0 հաշվով։

Իսպանիայի առաջնություն, 22-րդ տուր

«Ռեալ» - «Էլչե»՝ 2։2 (տեսանյութ)

Լուկա Մոդրիչ, 82, 11մ, Էդեր Միլիտաո, 90+2 - Լուկաս Բոե, 42, Պերե Միլյա, 76

Չիրացրած 11մ՝ Քարիմ Բենզեմա («Ռեալ»), 33

 



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։