«Արսենալը» մտադիր է երկարաձգել պայմանագիրը Միկել Արտետայի հետ
17:16 22 հունվարի, 2022Լոնդոնի «Արսենալը» մտադիր է երկարաձգել պայմանագիրը թիմի գլխավոր մարզիչ Միկել Արտետայի հետ, հաղորդում է Daily Mail-ը։
Անգլիական ակումբի ղեկավարությունը ցանկանում է 39-ամյա իսպանացի մասնագետի հետ կնքել նոր պայմանագիր, որը նախատեսված կլինի մինչեւ 2025 թվականը։ Արտետայի գործող պայմանագիրը մինչեւ 2023թ. հունիսն է։
Միկել Արտետան «Արսենալը» գլխավորել է 2019թ. դեկտեմբերին՝ հեռանալով «Մանչեսթեր Սիթիից»։ Նա մանչեսթերյան ակումբի գլխավոր մարզիչ Խոսեպ Գվարդիոլայի օգնականն էր։ Արտետայի ղեկավարությամբ «Արսենալը» նվաճել է Անգլիայի գավաթն ու սուպերգավաթը։ Անգլիայի ընթացիկ առաջնության 20 խաղից հետո «Արսենալը» 35 միավորով 7-րդ տեղում է։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։