Ռանգնիկ. Ռոնալդուի մասնակցությունն առաջիկա խաղին հարցականի տակ է
21:11 21 հունվարի, 2022«Մանչեսթեր Յունայթեդի» պորտուգալացի հարձակվող Կրիշտիանու Ռոնալդուն վնասվածք է ստացել եւ հնարավոր է՝ չմասնակցի Անգլիայի առաջնության 23-րդ տուրի հանդիպմանը «Վեստ Հեմի» դեմ։ «Բրենթֆորդի» դեմ նախորդ տուրի խաղում Ռոնալդուն փոխարինվել էր 71-րդ րոպեին։ Մանչեսթերյան թիմն այդ խաղում հաղթել էր 3։1 հաշվով։
«Ռոնալդուի մասնակցությունն առաջիկա խաղին հարցականի տակ է, քանի որ նա ունի պարանոցի հետ կապված խնդիրներ։ Երեկ նա 2-3 ժամ բուժում է ստացել։ Խաղից առաջ պարզ կլինի նրա վիճակը»,- Ռանգնիկի խոսքը մեջբերում է անգլիական ակումբի մամուլի ծառայությունը։
Անգլիայի ընթացիկ առաջնությունում 36-ամյա ֆուտբոլիստը մասնակցել է 17 հանդիպման, խփել 8 գոլ։
«Մանչեսթեր Յունայթեդ» - «Վեստ Հեմ» հանդիպումը տեղի կունենա հունվարի 22-ին եւ կմեկնարկի Երեւանի ժամանակով 19։00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.