«Ռեալը» Մարսելոյի հեռացումից հետո կամային հաղթանակ տարավ լրացուցիչ ժամանակում (տեսանյութ)

00:31   21 հունվարի, 2022

Իսպանիայի գավաթի խաղարկության 1/8 եզրափակիչում Մադրիդի «Ռեալը» հյուրընկալվեց «Էլչեին»։ Իտալացի Կառլո Անչելոտիի գլխավորած թիմը կամային հաղթանակ տարավ լրացուցիչ ժամանակում՝ 2։1։

Հիմնական ժամանակն ավարտվեց 0։0 հաշվով։ 102-րդ րոպեին կարմիր քարտ ստացավ «Ռեալի» բրազիլացի պաշտպան Մարսելոն սեփական տուգանային հրապարակի մոտ վերջին հույսի խախտման համար։

1 րոպե անց «Էլչեն» բացեց խաղի հաշիվը։ Աչքի ընկավ իսպանացի պաշտպան Գոնսալու Վերդուն։ 108-րդ րոպեին հյուրերի իսպանացի կիսապաշտպան Իսկոն վերականգնեց հավասարությունը։ 116-րդ րոպեին Արքայական թիմի հաղթական գոլը խփեց բելգիացի հարձակվող Էդեն Ազարը։

«Ռեալը» դուրս եկավ քառորդ եզրափակիչ։

Իսպանիայի գավաթ, 1/8 եզրափակիչ

«Էլչե» - «Ռեալ»՝ 1։2 (հիմնական ժամանակ՝ 0։0), (տեսանյութ)

Գոնսալո Վերդու, 103 - Իսկո, 108, Էդեն Ազար, 116

Հեռացում՝ Մարսելո («Ռեալ»), 102, Պերե Միլյա («Էլչե»), 102+2, երկրորդ դեղին քարտ



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։