Դեմբելեն դուրս է մնացել «Բարսելոնայի» հայտացուցակից

14:55   20 հունվարի, 2022

«Բարսելոնայի» գլխավոր մարզիչ Չավին հրապարակել է կազմը, որը կմասնակցի Բիլբաոյի «Աթլետիկի» դեմ Իսպանիայի գավաթի խաղարկության 1/8 եզրափակիչի առաջիկա խաղին։ Հայտացուցակից դուրս է մնացել ֆրանսիացի հարձակվող Ուսման Դեմբելեն, որը հրաժարվում է երկարաձգել պայմանագիրը։ Ամռանը նա կստանա ազատ գործակալի կարգավիճակ։

«Բարսելոնան» մտադիր է 24-ամյա ֆուտբոլիստին վաճառել մինչեւ հունվարի 31-ը՝ տրանսֆերային պատուհանի փակվելը, հաղորդում է Sport.es-ը։ 

Կազմ է վերադարձել դանիացի հարձակվող Մարտին Բրայթուեյթը, որը մոտ կես տարի վերականգնվում էր վնասվածքից հետո։

Իսպանիայի գավաթի խաղարկության «Աթլետիկ» - «Բարսելոնա» հանդիպումը տեղի կունենա հունվարի 20-ին եւ կմեկնարկի Երեւանի ժամանակով կեսգիշերից հետո 00։30-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։