«Պոգոնի» հաղթանակն ու Վահան Բիչախչյանի գոլը

19:48   19 հունվարի, 2022

«Պոգոնը» երկրորդ ստուգողական հանդիպումն անցկացրեց թուրքական Բելեկում՝ մրցելով ուկրաինական «Զարյայի» հետ։ Լեհական թիմը հաղթանակ տարավ 3։1 հաշվով։

Խաղի հաշիվը 15-րդ րոպեին բացեց «Պոգոնի» նորեկ, Հայաստանի հավաքականի կիսապաշտպան Վահան Բիչախչյանը, որը երկրորդ խաղում անընդմեջ դարձավ գոլի հեղինակ։

Վահան Բիչախչյանը մեկնարկային կազմում մասնակցեց առաջին խաղակեսին։

Հիշեցնենք, որ Վահան Բիչախչյանը նորամուտը «Պոգոնում»՝ նշել էր հունվարի 17-ին շվեյցարական «Ցյուրիխի» դեմ ընկերական խաղում եւ դարձել էր գոլի հեղինակ՝ հավասարեցնելով հաշիվը։ Գրանցվել էր ոչ ոքի՝ 1։1։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։