Թոմաս Տուխել․ Ցնցված եմ, անհարմար եմ զգում ինձ

11:50   18 հունվարի, 2022

Լոնդոնի «Չելսիի» գերմանացի գլխավոր մարզիչ Թոմաս Տուխելը մեկնաբանել է ՖԻՖԱ-ի վարկածով 2021թ․ աշխարհի լավագույն մարզիչի մրցանակին արժանանալու լուրը։

«Սովորական մարզումային օր էր մարզաբազայում։ Ես նոր էի վերադարձել մարզումից, հետո արարողության ժամանակ բացեցին ծրարը եւ կարդացին իմ անումը։ Ցնցված եմ։ Իրականում, անհարմար եմ զգում ինձ։

Ես հավանում եմ «Չելսիի» ընտրած ուղին եւ վայելում եմ այս ժամանակահատվածը։ Բավական հաջող մրցաշրջան ունենք, շնորհակալ եմ ինձ աջակցողներին։ Ես ինձ լավ եմ զգում այսքան մրցունակ ակումբում։ «Չելսիում» բոլորս ձգտում ենք լինել մեր լավագույն տարբերակը»,- Տուխելի խոսքը մեջբերում է Football London-ը։

Անցած տարի «Չելսին» նվաճել է Չեմպիոնների լիգայի գավաթն ու Եվրոպայի սուպերգավաթը։

Լավագույն մարզիչի մրցանակի հավակնորդների եզրափակիչ եռյակում էին նաեւ Եվրոպայի չեմպիոն Իտալիայի հավաքականի իտալացի գլխավոր մարզիչ Ռոբերտո Մանչինին եւ Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։