Պրոֆեսիոնալ թենիսիստների ասոցիացիան (ATP) պաշտոնական հայտարարությամբ արձագանքել է աշխարհի առաջին ռակետ Նովակ Ջոկովիչին Ավստրալիայից վտարելու որոշմանը։ Սերբ թենիսիստը չի կարողանա մասնակցել Ավստրալիայի բաց առաջնության եւ պաշտպանել անցած տարի նվաճած տիտղոսը։ Նա այս մրցաշարի 9-ակի հաղթող է։
«Հանրային առողջապահության հարցերի վերաբերյալ իշխանությունների որոշումները պետք է կատարվեն։ Ավելի շատ ժամանակ կպահանջվի բոլոր փաստերը վերլուծելու եւ դասեր քաղելու համար։
Անկախ տեղի ունեցածից, Նովակը մեր մարզաձեւի մեծագույն չեմպիոններից մեկն է, եւ նրա բացակայությունը Ավստրալիայի բաց առաջնությունում կորուստ է թենիսի համար։ Ջոկովիչին մաղթում ենք լավագույնը եւ անհամբեր սպասում նրա վերադարձին կորտ։
ATP շարունակում է բոլոր թենիսիստներին հորդորել պատվաստվել կորոնավիրուսի դեմ»,- նշվում է ATP-ի հայտարարությունում։
Ավստրալիայի դաշնային դատարանը չէր բավարարել Ջոկովիչի բողոքարկումը։ Սերբ թենիսիստի մուտքի վիզան չի վերականգնվի։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։