«Արարատը» վերսկսեց մարզումները, կանցկացնի 3 ստուգողական խաղ

Երևանի «Արարատը» հունվարի 14-ին վերադարձել է արձակուրդից և Ձորաղբյուրի մարզաբազայում սկսել նախապատրաստվել մրցաշրջանի երկրորդ հատվածին:

Տարվա առաջին մարզումը թիմն անցկացրել է Էդգար Թորոսյանի գլխավորությամբ: Նրան օգնում են «Արարատի» համակարգում աշխատող մարզիչներ Ռաֆայել Սաֆարյանն ու Ալեքսանդր Պետրոսյանը, հաղորդում է ակումբի մամուլի ծառայությունը:

Ֆուտբոլիստները նախ աշխատել են արհեստական խոտածածկով խաղադաշտում, ապա մարզումը շարունակել մարզասրահում:

Առաջիկա օրերին «Արարատը» երեք ստուգողական հանդիպում կանցկացնի: Հունվարի 22-ին մրցակիցը կլինի «Շիրակը», հունվարի 26-ին «Ուրարտուն», իսկ հունվարի 29-ին՝ ԲԿՄԱ-ն:

Հայաստանի Պրեմիեր լիգայի 15 խաղից հետո «Արարատը» 30 միավորով երրորդն է։