Հայաստան - Չեռնոգորիա հանդիպումը կանցկացվի մարտի 24-ին

20:03   14 հունվարի, 2022

Ֆուտբոլի Հայաստանի եւ Չեռնոգորիայի հավաքականների ընկերական հանդիպումը Երեւանում կանցկացվի մարտի 24-ին եւ կմեկնարկի 20։00-ին, հաղորդում է Հայաստանի ֆուտբոլի ֆեդերացիայի մամուլի ծառայությունը։

Ավելի վաղ ՀՖՖ-ն հայտնել էր, որ խաղը տեղի կունենա մարտի 25-ին, սակայն կողմերի միջեւ վերջնական պայմանավորվածությամբ օրը փոխվել է։

Հայաստանի հավաքականը մարտի 29-ին Նորվեգիայի մայրաքաղաք Օսլոյի «Ուլեվոլ» ստադիոնում ընկերական հանդիպում կանցկացնի Նորվեգիայի ազգային հավաքականի հետ:

Հայաստանի հավաքականը կպատրաստվի Ազգերի լիգայի B լիգայի առաջին խմբի հանդիպումներին։ Հայաստանի մրցակիցները կլինեն Ուկրաինայի, Իռլանդիայի եւ Շոտլանդիայի թիմերը։ Խմբային մրցաշարի հանդիպումները տեղի կունենան 2022թ․ հունիսին եւ սեպտեմբերին։

B լիգայի 4 խմբերի հաղթողները հաջորդ մրցաշրջանում հանդես կգան A լիգայում։ Խմբերում վերջին տեղ գրաված հավաքականները կնահանջեն C լիգա։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։