«Միլանը» քառորդ եզրափակիչում է (տեսանյութ)

Իտալիայի գավաթի խաղարկության 1/8 եզրափակիչում «Միլանն» ընդունեց «Ջենոյաին»։ Իտալացի Ստեֆանո Պիոլիի գլխավորած թիմն առավելության հասավ լրացուցիչ ժամանակում՝ 3։1։

Հիմնական ժամանակն ավարտվեց 1։1 հաշվով։ Առաջինը հաջողության հասան հյուրերը։ 19-րդ րոպեին աչքի ընկավ նորվեգացի պաշտպան Լեո Սկիրին։ 74-րդ րոպեին հավասարությունը վերականգնեց ֆրանսիացի հարձակվող Օլիվյե Ժիրուն։

Լրացուցիչ ժամանակում «Միլանին» հաղթանակ բերեցին պորտուգալացի հարձակվող Ռաֆայել Լեաուի եւ բելգիացի կիսապաշտպան Ալեքսիս Սալեմակերսի գոլերը։

Իտալիայի գավաթ, 1/8 եզրափակիչ

«Միլան» - «Ջենոա»՝ 3։1 (հիմնական ժամանակ՝ 1։1), (տեսանյութ)

Օլիվյե Ժիրու, 74, Ռաֆայել Լեաու, 102,Ալեքսիս Սալեմակերս 112 - Լեո Սկիրի, 19