Անդրանիկ Մարգարյանի հուշամրցաշար. Էմին Օհանյանը՝ կայծակնային խաղի մրցման հաղթող

19:29   10 հունվարի, 2022

Հայաստանի շախմատի ակադեմիայում մեկնարկել է Անդրանիկ Մարգարյանի 12-րդ հուշամրցաշարը։ Հիմնական մրցաշարից առաջ  անցկացվել է կայծակնային խաղի մրցաշարը, հաղորդում է ԿԳՄՍ նախարարության կայքը:

Հաղթող է դարձել արագ շախմատի Եվրոպայի մինչև 16 տարեկանների չեմպիոն Էմին Օհանյանը: Նա 9 հնարավորից վաստակել է 8 միավոր՝ տանելով 8 հաղթանակ և կրելով մեկ պարտություն: Պատանի շախմատիստը կարողացել է հաղթել գրոսմայստերներ Շանթ Սարգսյանին և Աննա Սարգսյանին, նաև միջազգային վարպետ Մամիկոն Ղարիբյանին: Հայաստանի հավաքականի անդամ Շանթ Սարգսյանը զբաղեցրել է երկրորդ տեղը, իսկ Մամիկոն Ղարիբյանը եզրափակել է լավագույն եռյակը:

Անդրանիկ Մարգարյանի 12-րդ հուշամրցաշարին մասնակցում են շուրջ 430 պատանիներ և աղջիկներ Հայաստանի բոլոր մարզերից եւ Արցախից:

Հուշամրցաշարի մրցանակային հիմնադրամը 2,5 միլիոն դրամ է: Մրցաշարը կավարտվի հունվարի 16-ին:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։