NEWS.am Sport Review 2021. Գաբրիել Սարգսյան (ֆոտո, վիդեո)

09:02   7 հունվարի, 2022

NEWS.am Sport-ը շարունակում է ներկայացնել մրցաշրջան-2021-ում լավագույն արդյունքները ցույց տված, բարձր նվաճումներ ունեցած հայ մարզիկների ամփոփիչ հարցազրույցների շարք՝ NEWS. am Sport Review 2021։

Նախագծի հաջորդ հերոսը գրոսմայստեր, շախմատի Հայաստանի հավաքականի անդամ Գաբրիել Սարգսյանն է։

Լեւոն Արոնյանի հեռանալուց հետո Հայաստանի հավաքականի առաջին համարը ստանձնել է Գաբրիել Սարգսյանը։ Նոյեմբերի 12-22-ը Սլովենիայում անցկացված Եվրոպայի թիմային առաջնությունում Գաբրիել Սարգսյանը հանդես եկավ որպես թիմի ավագ։ Շախմատի Եվրոպայի թիմային առաջնության վերջին տուրում Հայաստանի հավաքականը մրցեց ուկրաինացիների հետ, պարտություն կրեց 1։3 հաշվով եւ 12 միավորով բաժանեց 5-8-րդ տեղերը Ադրբեջանի, Ռուսաստանի եւ Սերբիայի հետ։ Լրացուցիչ ցուցանիշով Հայաստանի թիմը գրավեց 7-րդ տեղը։

Մրցաշրջան-2021-ում Գաբրիել Սարգսյանը լավագույն արդյունքը ցույց տվեց Լատվիայի մայրաքաղաք Ռիգայում անցկացված FIDE Chess.com Grand Swiss մրցաշարում (7 միավոր)։ Իսլանդիայի մայրաքաղաք Ռեյկյավիկում անցկացված շախմատի Եվրոպայի անհատական առաջնությում 36 երկրների 180 շախմատիստների մեջ Գաբրիել Սարգսյանը երկրորդ ամենաբարձր վարկանիշով (2682) շախմատիստն էր մրցաշարում և զիջում էր միայն անգլիացի Գեւեյն Ջոնսին (2684):

Լուսինե Շահբազյան

Ֆոտո՝ Էմմա Ասատրյանի



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։