Մադրիդի «Ռեալը» հասավ ռեւանշի (տեսանյութ)
02:23 6 հունվարի, 2022Իսպանիայի գավաթի խաղարկության 1/16 եզրափակիչում Լա Լիգայի առաջատար Մադրիդի «Ռեալը» Ալկոյ քաղաքում հյուրընկալվեց երրորդ դիվիզիոնը ներկայացնող «Ալկոյանոյին»։
Իտալացի Կառլո Անչելոտիի գլխավորած թիմն առավելության հասավ 3։1 հաշվով եւ դուրս եկավ 1/8 եզրափակիչ։
Արքայական թիմի կազմում աչքի ընկան բրազիլացի պաշտպան Էդեր Միլիտաոն եւ իսպանացի հարձակվող Մարկո Ասենսիոն։ Գրանցվեց նաեւ ինքնագոլ «Ալկոյանոյի» խաղացողի կողմից։
Անցած մրցաշրջանում «Ռեալը» ֆրանսիացի Զինեդին Զիդանի ղեկավարությամբ պարտվել էր «Ալկոյանոյին» Իսպանիայի գավաթի խաղարկության 1/16 եզրափակիչում։ Ալկոյում տեղի ունեցած հանդիպման հիմնական ժամանակն ավարտվել էր 1։1 հաշվով, իսկ լրացուցիչ ժամանակում դաշտի տերերը հաղթել էին 1։0 հաշվով։
Իսպանիայի գավաթի խաղարկություն, 1/16 եզրափակիչ
«Ալկոյանո» - «Ռեալ»՝ 1։3 (տեսանյութ)
Դանիել Վեգա, 66 - Էդեր Միլիտաո, 39, Մարկո Ասենսիո, 76, Խոսե Խուան, 78, ինքնագոլ
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.