Մահացել է եռացատակի միակ եռակի օլիմպիական չեմպիոն Վիկտոր Սանեեւը

16:21   3 հունվարի, 2022

Ավստրալիայում 76 տարեկանում մահացել է եռացատկի եռակի օլիմպիական չեմպիոն, Եվրոպայի բազմակի չեմպիոն, աշխարհի եռակի ռեկորդակիր Վիկտոր Սանեեւը, հաղորդում է Վրաստանի ազգային օլիմպիական կոմիտեի կայքը։

Վիկտոր Սանեեւը պատմության մեջ միակ եռացատկորդն է, որին հաջողվել է երեք անգամ նվաճել օլիմպիական ոսկե մեդալը՝ 1968-ին, 1972-ին եւ 1976-ին։ 1980թ․ Մոսկվայի Օլիմպիական խաղերում նա դարձել է արծաթե մեդալակիր։

Վիկտոր Սանեեւը ծնվել է Սուխումում, որտեղ նրա առաջին մարզիչը եղել է Հակոբ Կերսելյանը։ Մարզական կարիերան ավարտելուց հետո աշխատել է Թբիլիսիի «Դինամո» մարզական ընկերությունում, իսկ ԽՍՀՄ-ի փլուզումից հետո տեղափոխվել է Ավստրալիա, եղել է ֆիզկուլտուրայի ուսուցիչ, աթլետիկական ցատկերի մարզիչ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։