ՖԻՖԱ-ն 211 ազգային ֆեդերացիաների հետ կքննարկի ԱԱ-ն 2 տարին մեկ անցկացնելու հարցը
10:44 20 դեկտեմբերի, 2021Ֆուտբոլի միջազգային ֆեդերացիայի նախագահ Ջանի Ինֆանտինոն դեկտեմբերի 20-ին 211 երկրների ազգային ֆեդերացիաների նախագահների հետ կանցկացնի օնլայն համաժողով։ Կքննարկվի ֆուտբոլի աշխարհի առանությունը երկու տարին մեկ անցկացնելու գաղափարը, հաղորդում է Sky Sports-ը։
Ինֆանտինոն ձգտում է եկամուտի լրացուցիչ աղբյուրներ գտնել։ 2018թ․ աշխարհի առաջնությունից ՖԻՖԱ-ն ունեցել է 4,6 միլիարդ դոլարի եկամուտ, իսկ 2019 թվականին կազմակերպության եկամուտը կազմել է ընդամենը 766 միլիոն դոլար։
Հիմա խաղացողները տարվա ընթացքում ազգային հավաքականներում անցկացնում են մոտ 50 օր։ ՖԻՖԱ-ն ակումբներին խոստանում է չավելացնել այդ օրերի քանակը։
Եվրոպայի եւ Հարավային Ամերիկայի ֆուտբոլային ֆեդերացիաներն արդեն դեմ են հանդես եկել ՖԻՖԱ-ի նախաձեռնությանը՝սպառնալով չմասնակցել աշխարհի առաջնությանը։ ՈւԵՖԱ-ն ու Հարավամերիկյան ֆուտբոլային կոնֆեդերացիան ստորագրել սերտ համագործակցության համաձայնագիր։
2024 թվականից Հարավային Ամերիկայի հավաքականները կմասնակցեն ՈւԵՖԱ-ի Ազգերի լիգային, իսկ հաջորդ տարի Եվրոպայի չեմպիոն Իտալիայի հավաքականն ու Ամերիկայի գավաթակիր Արգենտինան Լոնդոնում կանցկացնեն հանդիպում, որը հետագայում կարող է ստանալ պաշտոնականի կարգավիճակ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։